سلسلة انـــــــــــــــــــــــــات
لقد اغتصبوا كرامتى
الجزء الثانى
لقد توقف الكون بالنسبه اليا و قد تجمدت الصورة امام عينايا و لم اعد ابصر سوى لحظات الاختراق القذر و حتى لم اعد ابصر كرامتى
و قد سكتت الدنيا بالنسبه لاذنايا فلم اعد اسمع من صوت الحياه شئ و لا حتى صوت استغاثه كرامتى
لحظات رهيبه مرت بى و انا ما بين الموت و الالم
الى ان امر جنوده بالقائى خارجاً انا وكرامتى ........................... كرامتى !؟............... اين هى ..........؟ انها غير موجوده ............................!!!!!!!!!!!!
اااه اه .... لقد اخذوا كرامتى....... و تركوا لى كائن مشوهاً بين ضلوعى
لقد اغتصبت كرامتى و حملت وولدت فى نفس اللحظه ابناً غير شرعى. ابن مشوه المعالم ممزق الشخصيه مزيج بين الخوف و رغبة الانتقام
لقد اخذوا كرامتى وتركوا لى وليد الاغتصاب ..........
هل يا ترى ساستطيع العيش بدون ان اراها مجدداً بدون ان اسمع صوتها و هى تحكى عنى حكايات الابطال
هل يا ترى سوف استطيع العيش هكذا و قد تبدلت جميلتى و حبيبتى بابناً مشوه الانسانيه .... ابن يحيا لكى ينتقم و لكن فى داخله تجرى ينابيع الخوف ... تهدد كيانه .. تشل حركته ....... تمنعه من الانتقام من مغتصبيه
فيتقوقع فى مكانه ......... يخرب بيته ........... انه ينتقم ............... ينتقم......... و لكن ليس من مغتصبيه
انه ينتقم ..................... منى انـــــــــــــــــــــا
و قد سكتت الدنيا بالنسبه لاذنايا فلم اعد اسمع من صوت الحياه شئ و لا حتى صوت استغاثه كرامتى
لحظات رهيبه مرت بى و انا ما بين الموت و الالم
الى ان امر جنوده بالقائى خارجاً انا وكرامتى ........................... كرامتى !؟............... اين هى ..........؟ انها غير موجوده ............................!!!!!!!!!!!!
اااه اه .... لقد اخذوا كرامتى....... و تركوا لى كائن مشوهاً بين ضلوعى
لقد اغتصبت كرامتى و حملت وولدت فى نفس اللحظه ابناً غير شرعى. ابن مشوه المعالم ممزق الشخصيه مزيج بين الخوف و رغبة الانتقام
لقد اخذوا كرامتى وتركوا لى وليد الاغتصاب ..........
هل يا ترى ساستطيع العيش بدون ان اراها مجدداً بدون ان اسمع صوتها و هى تحكى عنى حكايات الابطال
هل يا ترى سوف استطيع العيش هكذا و قد تبدلت جميلتى و حبيبتى بابناً مشوه الانسانيه .... ابن يحيا لكى ينتقم و لكن فى داخله تجرى ينابيع الخوف ... تهدد كيانه .. تشل حركته ....... تمنعه من الانتقام من مغتصبيه
فيتقوقع فى مكانه ......... يخرب بيته ........... انه ينتقم ............... ينتقم......... و لكن ليس من مغتصبيه
انه ينتقم ..................... منى انـــــــــــــــــــــا
63 comments:
هذه حكاية كرامتى و كرامتكم
قد لا يكون حدث لاي منا ذلك و لكنه حدث لنا جميعاً
فمن حدث معهم لا يختلفوا كثير عنا و لكن نحن لم يصبنا الدور بعد
قد لا اكون الكبير او فتاه التعذيب و لكنى اخ لهم فى الانسانيه و الوطن
قد لا تكون اغتصبت كرامتى فعلياً و لكنها بك تأكيد اغتصبت رمزياً و معنوياً
تحياتى
واحد لم يصبه الدور بعد
صادق قوي الكلام ده
ممتاز
مجروح صوت الساعات
جارح صوت السكات
الكلام صادم اوى
قوى جدا بيفتح جراحنا اللى بنداويها
صراحة يبعث على الكابة لانه بيوصف احساسنا و الغضب المكتوم جوانا و انت عبرت عنه بطريقى رائعة
نرجو تشريفنا
www.blogs4arab.com
لتانى مرة هاقولك بجد وصفك اكثر من رائع!! الكلمات اللى أنت مستخدمها كأنها صفعة على الوجه... الاغتصاب والخوف والانتقام
ربنا يقدرنا جميعا ونحافظ على كرامتنا ومنوصلش بيها للمرحلة دى
manal
لغتك تقترب من لغة شعرية .....كانت هتكون أحلى (هي حلوة) لوكانت شعر ....
كلامك بيلمس الواحد أوي...ما أقسي أن تغتصب كرامة انسان
تحياتي لك
الكلام معبر والاحساس فيه واضح مش مهم التركبيات اللغويه ولكن ..واضح رغبتك فى اخراج ما بداخلك وزى ما قلت لك قبل كده الفن احساس قبل ما يكون فهم عقل وادراك..انت طبعا عارف فى الجاهليه قيل الاسلام كان معظم الشعراء لا يعرفون الكتابة و القراءة ولكن فنهم كان فن الاحساس والتعبير بالاحساس..البيئة والاحساس بيها هو مجال التعبير..احسنت
ياااااااااه
حسيت بعمق الجرح
جرحك
جرحهم
جرحى
مش افرقه المهم انى حسيت و اتوجعت
to sampateek
كويس ان الكلام صادق و قدر يوصل الصوره بس اكيد الحقيقه افظع و اقذر بكتير من اى تعبير او خيال
شرفتينى و لتانى مره بشكرك على بوست الاخير الجميل الجرئ
to karakib
الحقيقه انا مفهمتش يعنى ايه مجروح صوت الساعات
بس اكيد صوت السكات جارح جداً جداً و يا ريت نبطل نسكت لان اى حاجه ممكن تحصلنا هتكون اهون علينا من السكات
شرفتنى و اتمنى تكون كراكيبى عجبتك
to ma3lina
الى حصل فعلاً صدمه واى كلام مش هيقدر يعبر عنه
و كل ما فكر فيه بتصاب فعلاً بالكأبه
و فى الموضوع ده بالذات مش هينفع نعديه و نقول ما علينا
شرفتينى جداً و مبسوط ان احساسى وصلك
واما بالنسبه للكأبه فخلى
المناديل علينا
www.blogs4arab.com
شرفتنى ووعد انى ازور موقعك
to albida
و لتانى مره اقولك انك شرفتينى جداً و بجد رأيك يهمنى
ومبسوط ان احساسى عجبك و قدر يوصل المعانى الفظيعه الى بتتكون بتيجه الاغتصاب المرير ده
لان الموضوع اكبر من كل الماديات الموضوع نفسى داخلى و بيخلى الانسان الى بيمر بيه فى صراع رهيب مع النفس
شرفتينى و اشوفك دايماً
و نكون يا راب لسه محافظين على كرامتنا
to human
بينى و بينك انا مش بحب من الشعر الا الشعر الساخر هوه الى بيستهوينى
و انا حاولت سواء بالشعر او بدونه اوصل احساس انسان مقهور مغتصب بيدور جواه صراع مرير و كمان كان جوايا كلام كتير تانى بس معرفتش اخرجه
يمكن لو كنت اعرف اكتب شعر كنت قدرت اخرجه اكتر من كده
شرفتنى يا انسان و يا ريت متنسناش
to micheal
اقسى شعور واصعب الم و يا رب كلنا منمرش بيه تانى سواء على المستوى الشخصى او العام
شرفتينى جداً و يا ريت تخلينى دايماص على بالك
to hosnysoliman
شكراً لتشجيعك ليا و انا مبسوط ان احساسى وصلك و هوه ده المهم لان الكلمات لو موصلتش احساس كاتبها تبقى ملهاش لزمه زى اللوحه تمام
شرفتنى يا فنان واتمنى قدومك دايماً لتتعرف على باقى لوحاتى
to انا حره
انتى كده هتودينى فى داهيه يعنى معقول اجرح انا حره
كده كل المدونين هيقوموا عليا
مبسوط جداً لحضورك و لاهتمامك و اخيراً لاحساسك بالبوست
شرفتينى و دايماً بيهمنى رأيك
أنا شاب علي فكرة...ههههه...خلي بالك يا باشا
تحياتي لك
to micheal mohsen
مانا عرف طبعاً يا باشا يعنى هيه اول مره تيجى عندى او اروح عندك
بس شرفتنى حت فيه ي زياده و خليها عليك المره دى
شرفتنى كمان مره و اسف للغلطه الاملائيه
رائع جدا ما كتبت
الكرامه هي كيان الانسانية
متى اغتصبت ضاعت كل معانى الحياة
لن يستطيع الانسان حتي مواجه نفسة
كيف يواجه نفسة بجسد ممزق ونفس مهترية
الكرامة اساس الحياة
اسمحلى بتدوين اعجابي الشديد
بقلمك ونبض فكرك الراقي
whymeمساء الخير
!احييك اخي الإنسان
تحياتى عزيزي
.العَبدِالرَحَمن
to الزعيمه
طبعاً مش عارف اقولك ايه على كلامك الجميل جداً ده
الى حسسنى بفرحه شديده جداً و خصوصاً انه جه منك انتى
و انا معجب جداً بمدونتك و كمان بحترمك جداً لانك فعلاً زعيمه و ثوريه
و كمان عرفت عنك دلوقتى انك انسانه حساسه جداً و رقيقه المشاعر
شكراً ليكى مره تانيه و اتمنى اشوفك دايماً
to abd el ra7man
ِشرفتنى يالزياره و شكراً لتواجدك معايا وانك دايماً بتعدى عليا
شرفتنى و لك كل تحياتى
المشكلة الحقيقية هى أن مجتمعنا أصبح فى منتهى الأنانية بنظام انا مالى و أنا و من بعدى الطوفان بس زى ما أنت قلت تماما الكل واقف فى الطابور و ممكن أوى يصيبة الدور
تحياتى لصدقك
السلام عليكم
كلام جميل
بس في حاجه انت مش واخد بالك منها
ان الكرامة اصبحت شهيده
فيجدر بك ان تفخر بها
وان تحب ابنها فهو الذكري الوحيده المتبقيه منها
وترعاه
وتربيه علي الشجاعه و وتهذب فيه الرغبه بالانتفام
الانسانيه تتطلب منك ذلك
لك مني كل التقدير
فعلا كرامة الانسان هى اسمى شئ فى حياته
فان فقدها فقد حياته
وانتزعت منه انسانيته
واصبح تائها فى ظلمات الحياة
تخيلت قائلها
وشاهدت صورتها
فانتابنى خوف
فياربى استرها معنا جميعا
TO hebaz
ربنا يبعدنا انشاء الله عن الطابور و نقف فى طابور تانى طابور المدافعين عن الحق و الظلم
شكراً لتشريفك ليا
و يا ريت دايماً اشوفك عندى
المدونه مدونتك مش محتاجه دعوه
شرفتينى
واحد مبيقولش انا مالى
to الناى الحزين
شرفتينى يا صديقتى العزيزه و دايماً بستمتع بعزف نايك الجميل فى مدونتى
و كمان ضفتى ليا معنى اخر و تشبيه جميل و تكمله لسلسله الاحداث
فعلاً الكرامه هنا اصبحت شهيده
بس الى حصل لها اكبر من اى تهذيب و مش عارف اذا كان هيقدر يربى الولد و يهذبه ولا لأ لان الى حصل ترك اثر رهيب و جرح فظيع اكبر من اى تهذيب
شرفتينى
و كمان المدونه مدونتك فى اى وقت و من غير دعوه لانك انتى خلاص بقيتى من اهل المدونه و اقرب اصدقائها
تحياتى
to mansrawy
شرفتنى يا صديقى العزيز من بعد طول غياب و انا مبسوط انك تخيلت الصوره و عجبتك الحكايه
و انشاء الله ربنا يسترها مع عبيده الغلابه و يبعد عننا شر اغتصاب الكرامه
شرفتنى و عايز اشوفك دايماً
لتاني مرة اقلك وصف رائع جدا للكرامة
ولتاني مرة كلامك عجبني جدا
هو انا بصراحة لما الحاجة بتكون جميلة جدا مبعرفش اعبر كويس
فسامحني لو الكلام مش متضبط
سلامي ليك
ازيك يا عمنا
إيه يا عم الكلام الجامد قوى ده؟
قلتلك قبل كده ان كل الكرامات بتاعتنا وبتاعتك راحت كل سنة وانت طيب..
هوه فيه سؤال بسيط؟
انت رحت قسم بولاق قبل كده؟
to بيسوو
يا باشا مش لازم تكلمى كفايه انك شرفتينى فى البلوج بتاعى ده عندى اهم كن اى كلام
شكراً ليكى و لتقديرك لكلماتى
شرفتينى
to اخف دم
يا عم مانا عارف
بس انا بوصف احساس صعب مر بيه كل من اغتصبت كرامته
و يا رب اكون وصفت كويس
مبسوط بوجودك و عايزك دايماً تمر عليا احسن انا دمى بقه تقيل اوى
شرفتنى
جميله أوي, والأجمل تعليقك, فعلا مش ضروري ده يحصلنا عشان نحس بألمه, كفايه انه بيحصل لأخوات لينا كل يوم , مشكلتنا اننا بقينا بنفكر في نفسنا بس, وطول مانا كويس يبقي مافيش مشكله.
أحيك.
جاي أقول لك مدونتـك حلوة ، وكلامـك صااادم وقوي ، أما إبراهيم معايا ، فده تأكيد لأني مش لوحدي ، وإنه مش مع حـــد تاني ... أنا معايا ....
لكِ تحياتي
to esraa
شكراً لتشربفك ليا و كما ن انا مبسوط ان الجزء التانى عجبك زى الاول
و يا رب يبعدنا احنا و كل اخواتنا عن هؤلاء المرضى الساديين
و يا ريت اشوفك دايماً منوره البلوج بتاعى
to ابراهيم معايا
يا باشا نورتنى انت والى معاك و كويس انك لاقيت حد معاك و دلوقتى بقى فيه اتنين معاك غير ابراهيم
انا و هواى مى ؟ لانه برضه على طول معايا
شرفتنى انت ابراهيم
و عايز اشوفك دايماً و مبسوط ان مدونتى عجبتك
السلام عليكم
ليك هدية عندي في المدونه تعالي استلمها
أعتقد ان الكائن المشوة دة
بقا فى قلب وحضن كل منا فى تلك الفترة
كرامة مجروحة من 55سنة
تفتكر ممكن المولود المشوة دة
يتعمل له فورمات من أول وجديد؟؟
ولا مفيش غير حل واحد
الاستبدااال؟؟؟
to الناى الحزين
ده مقلب برضه تعمليه فيه
بس على العموم انا مبسوط لانى دايماً فى بالك و انك فكرتى تقديملى الهديه ديه خصوصاً ان عيد ميلادى قرب
و على كل حال شكراً يا ستى على التدبيسه دى
و عقبال ما نردهالك
شرفتينى
to شهروزه
انا اعتقد انه ممكن يتفرمت من اول و جديد بس اكيد هيكون فيه اجزاء كتيره منه تالفه و حتى الفرمته مش هتنفعها بس على الاقل نقدر ننتفع بالباقى
بس السؤال مين الى هيفرمت
الفرمته قرار مش سهل ولازم كلنا نتعاون عليه
شرفتينىىىىىىىىىىىىىىىىىى
جداً
كلماتك تدق علي اوتاري .. اوتارنا
tesada2.. enta 7asesteni enni ana elli ethadaret karamto..?
we7asesteni leeh... maho heya ethadaret... talama kan momken tenheder..yeb2a enhadaret...!!
lel2asaf elebn elmoshawah maloosh 7al gheer elmosakenaat elma3naweya.. ya3ni zai ele7na benektebo da... weyeegi eleel... wetes7a ma3 we7deto maredat elinteqam elmokabala belkhoof wel3aar...!!
atmanna elinsaan terga3lo karamto elmoghtasaba...!
ta7eyati..w 2asef 3ala elta2kheer fel zyara...!!
ازيك يا مين
ليك وحشه والله
بقالك كتير مش تكتب ليه ؟
حسستنى بجد بمعنى اغتصاب الكرامة والمعنى دة له مظاهر كتير فى حياتنا دلوقتى
to sara
كل وتر بيطلع صوت غير التانى و يا رب يكون عزفى على وترك صوته يكون عجبك و اثر فيك زى ما هو اثر فيا
شرفتينى جداً و اتمنى ان تسملحى لى بعزف الحان اخرى على اوتارك الجميله
to el2hwagi
البلوج كله نور ياباشا
بجد انا بكون دايماً مستنى رأيك و كمان دايماً بعدى عندك على قهوتك بس مش دايماً بلاقى مشاريب جديده
و سلامة كرامتك و كرامتنا و يا رب المسكنات تنفع لان الوجع شديد و اصعب من اى مسكنات
و للاسف الوجع ده ملوش حل غير لسه الطب مشفلوش علاج
وجع الكرامه اصعب وجع
شرفتنى جداً جداً و متبقاش تتاخر عليا
to ادم المصرى
وانت اديلك كتير مش بتيجى ليه
على العموم انت شرفتنى و متبقاش تتاخر عليا و كفايه بقه اكل فى الجزره و بعدين الى وقع ادم كانت تفاحه مش جزره
شرفتنى يا باشا و اول ما هكتب الجديد هتكون انت اول المدعويين
To amany
وانا برضه بجد حسيت بمعنى كل كلمه كتابتها لدرجه انى كان مفروض اكتبه على مره واحده
لكن مقدرتش اكمل و كتابته على مرتين
الشعور ده صعب اوى و الاصعب انك تجربه بجد
ربنا يكون فى عون كل الى مره بيه و ربنا يرحمنا من شر الاغتصاب
شرفتينى يا امانى و يا ريت تبقى تكرريها دايماً
زيارتك بتسعدنى
مرحبا
انا وعدتك من البوست اللي قبل اني راح ارجع
كلمات معبرة جدا جدا
بتجرح القلب
بس بعد ما خلصت قراية للبوست حسيت اني انا اللي بدي انتقم من اللي بسلب وبغتصب الكرامة
نفسي اعرف شعور اللي بغتصبها بعد ما يعمل اللي عمله
بحس بفخر؟
بأعتزاز؟
بشو؟؟؟؟
بعد البوست هاد انا بعشق وضروري الانتقام
بالراحه شويه ياعم..
دانت حسستنى إنى مش عايش
بالرغم من الواحد بيحسه..
بس حسيت بالوجع عندك هنا
------
تحياتى ياسيدى :S
(f)
to reme
انا اولاً مكتبتوش علشان الانتقام
انا كتبته اكتر علشان اوصف مشاعر انسان كرامته اغتصبت
لان حسيت ان الموضوع ده بقه عادى والناس بقت بتعامله كانه حاجه سهله
بس الواقع انه مش كده والواقع اصعب كتير من كتاباتى
و انا معاكى فى ضروره الانتقام بس لازم يكون له شكل الانسانيه علشان منتحولش لحيوانات زيهم
تحياتى يا صديقتى العزيزه و عايز اشوفك دايماً و متغبيش عليا
to امير الظلام
يا باشا الف سلامه ليك من اى وجع
الى يشوف بالوه غيره تهون عليه بلوته
و يا ريت اشوفك دايماً بس فى النور لانى بخاف من الضلمه
شرفتنى
تشبيهات قوية وكلام معبر جدا بصراحة مش عارفة اقول كلام كتير بس هو عجبني اوي بالرغم من قسوة المعاني فيها
اكثر من رائعة
الكلمات عبرت
الانات عبرت
الصرخات اوحت بالكثير
استمررررررررررررررررررررر
hmmmm mesh fahma 7aga ... khales
to ريما
شكراً لمرورك و شكراصً لتشجيعك
و اما بالنسبه لقسوه المعانى فالحقيقه اسوء و اصعب بكتيرررررررررررررررررر
شرفتينى و اتمنى تشريفك ليا دايماً
to azmeralda
بعد الكلام الجميل ده لا املك الا الاستمرارررررررررررررررررررررررررر
و شكراً لتشجيعك ليا
و كمان مبسوط ان كلامى عجبك
شرفتينى
to nohaz
يا باشا ولا انا فاهم برضه
بس الحقيقه اصعب من اى تصور و يصعب على الفهم استيعابها
شرفتينى و يمكن لو قريتى الجزء الاول تقدرى تفهمى و لو مقدرتيش يبقى اكيد احسن لان عدم الفهم فى المواضيع دى اكيد احسن بكتيرررررررررر
شرفتينى جداً و عايز اشوفك تانى و عايز اشوف عودتك
Post a Comment